Áleýmettik ID boiynsha ilki joba aýmaǵy keńeitiletin bolady, dep habarlaidy "Ult aqparat" Eńbek jáne halyqty áleýmettik qorǵaý vitse-ministri Nariman Muqyshevke silteme jasap.
Budan buryn vitse-ministr Aqtóbe qalasynda qazirgi ýaqytta áleýmettik ID boiynsha ilki joba jumys istep jatqandyǵyn habarlaǵan bolatyn. Bul - ataýly áleýmettik kómek túsetin karta. Munymen qatar ony qoǵamdyq kólikte jolaqyny tóleýge, al oqýshylar mektepte tamaqtanýǵa tóleýge paidalanýǵa bolady.
Eger karta jeńildikti bolsa onda jolaqyǵa nemese tamaqqa kartadan aqsha alynbaidy.
Eger ony ustaýshy belgili bir jeńildikke ie bolsa, onyń ishinde qoǵamdyq kólikte, onda odan aqsha alynbaityn bolady. Al mektep ashanasyna keler bolsaq, áleýmettiń ID alǵan jáne tamaqqa jeńildikke ie balalar osy karta arqyly túski asqa tólei alady. Aqsha odan alynbaidy.
«Jańalyqty jetkizgim keledi! Jaqynda Atyraý, Qaraǵandy jáne Pavlodar oblystaryn aýmaqtyq qamtý (ilki jobany masshtabtaý) jóninde sheshim qabyldandy», - dep jaǵymdy jańalyǵymen bólisti Nariman Muqyshev.
«Beisenbi kúni Densaýlyq saqtaý ministrliginiń jáne «Qazposhta» AQ ókilderimen kezdesý ótkizip, jobany odan ári júzege asyrý jaiyn talqyladyq. Birlesken talqylaý barysynda Densaýlyq saqtaý ministrligi men «Qazposhta» AQ-daǵy áriptesterimiz bizdiń Ministrlikpen áriptester syndarly dialog jáne tiimdi yntymaqtastyq júrgizetindigi anyq baiqaldy».
Bul qalai jumys istemek? Karta jolaqyny elektrondy tóleý júiesine sinhrondalǵan. Validator kartanyń dárejesin avtomatty túrde anyqtaidy.
Eger ony ustaýshy belgili bir jeńildikke ie bolsa, onyń ishinde qoǵamdyq kólikte, onda odan aqsha alynbaityn bolady. Al mektep ashanasyna keler bolsaq, áleýmettiń ID alǵan jáne tamaqqa jeńildikke ie balalar osy karta arqyly túski asqa tólei alady. Aqsha odan alynbaidy.
