Igor Krýtoidyń "Novaia volna" baiqaýy aiasynda ótken shyǵarmashylyq keshinde án shyrqaǵan Dimash Qudaibergen kórermenderdiń ystyq yqylasyna bólenip, gúl shoqtarynyń astynda qaldy, dep jazady Sputnik.
Shyǵarmashalyq keshte Dimash Igor Krýtoidyń áigili hiti "Liýbov, pohojaia na son", sondai-aq "Liýbov ýstavshih lebedei" ánderin oryndady.
"Liýbov, pohojaia na son" ánin oryndap bolǵan soń kórermender Dimashqa qoshemet kórsetip, sahnany túrli gúl shoqtaryna toltyryp tastady.
Al "Liýbov ýstavshih lebedei" áni oryndalǵanda Dimashtyń jankúierleri qasynan ketpei, artynsha ánniń qaiyrmasyn qazaq ánshisimen qosyla shyrqady.
Kesh sońynda ártisterdiń bári sahnaǵa shyǵyp, Igor Krýtoi olardyń árqaisysyn halyqqa tanystyrdy.
"Álemniń halyq ártisi – Dimash Qudaibergen!" – dedi kompozitor qazaq ánshisi týraly.
"Novaia volna" baiqaýyndaǵy shyǵarmashylyq kesh tanymal kompozitordyń 65 jasqa tolǵan mereitoiyna arnalǵan. Keshtiń qurmetti qonaǵy – Qazaqstannyń Reseidegi elshisi Imanǵali Tasmaǵambetov Igor Krýtoiǵa "Dostyq" ordenin tabystady.
