Qazaqstandyq Dinara Sádýaqasova FIDE halyqaralyq shahmat federatsiiasy sportshylarynyń komissiiasyn basqarady. Bul týraly sportshy Instagram jelisinde habarlady.
"Qýanyshty jańalyǵymdy bólisip otyrmyn – FIDE sportshylary komissiiasynyń tóraǵasy bolyp taǵaiyndaldym", - dep jazdy Sádýaqasova.
Ol komissiia shahmatshylardyń múddesin tabysty qorǵaidy dep senedi.
"Qazaqstan shahmat federatsiiasy Dinara Sadýaqasovany FIDE sportshylary komissiiasyna tóraǵa bolýymen quttyqtap, jemisti ári nátijeli jumys isteýine tilektestik bildiredi", - delingen Qazaqstan shahmat federatsiiasynyń saitynda.
Sondai-aq, shahmattan álem chempiony Sádýaqasova halyqaralyq dárejedegi sport sheberi ataǵyna ie bolǵanyn habarlady.
