Elordada ótip jatqan Álemdik jáne dástúrli dinder liderleri sezi XVIII hatshylyǵynyń otyrysynda sezdiń ánurany shyǵarý týraly usynys boldy, dep habarlaidy QazAqparat.
«Álemdik jáne dástúrli dinder liderleri seziniń ánuranyn shyǵartý týraly óte qyzyqty shyǵarmashylyq usynysty jariia etkim kelip otyr. Usynys Achariia («Somaiia Baharatiia Sankriti Pitam» úndi mádeni ortalyǵynyń direktory - Kala Dhanandjei Achariia) hanym tarapynan tústi. Usynys óte qyzyqty. Osy usynys qoldaý taýyp jatsa, onda biz osy baǵytta jumys ister edik», - dedi otyrys barysynda QR Aqparat jáne qoǵamdyq damý vitse-ministri Marat Ázilhanov.
Aita keteiik, búgingi otyrysta Álemdik jáne dástúrli dinder liderleriniń VI Sez qorytyndylary men Hatshylyq qyzmetiniń keleshegi boiynsha pikir almasylýda. Sodan keiin 2021 jylǵy Álemdik jáne dástúrli dinder liderleriniń VII Sezin ótkizý boiynsha usynystar talqylanyp jatyr.
