Úndistandaǵy jaǵdai nasharlaýda, krematorii retinde qalalyq turaqtar bólinýde, AQSh-ta tolyǵymen vaktsina alǵandar úshin maska taqpaýǵa ruqsat etildi. Pfizer vaktsina óndirýshisi jyldyń sońyna deiin kovidten dári jasaýǵa ýáde berdi. Keibir eýropalyq elder jazǵy mezgildi qutqaryp qalý úshin sheteldikterge erejelerdi jeńildetti, dep habarlaidy BBC.
Djons Hopkins Ýniversitetiniń derekterine sáikes, koronavirýs juqtyrǵandar sany 149 mln-ǵa jaqyndap, 3 mln adam qaitys bolǵan.
Álemniń nazary Úndistanda. Onda Covid-19-dan qaitys bolǵandar sany 200 myńnan asyp otyr. Sońǵy táýlikte elde taǵy 3 293 adam qaitys bolyp, 360 myń jańa juqtyrý oqiǵasy tirkelgen.
Úndistanda álemdegi halyqty vaktsinalaý boiynsha eń úlken masshtabty kampaniia ashylǵan. El biligi shildege deiin 250 mln adamdy vaktsinalaýdy kózdep otyr. Ázirge vaktsinanyń eki dozasyn halyqtyń tek 1,6%-y alǵan. Eń iri dári-dármek óndirýshisi ekenine qaramastan, Úndistan dári-dármek jetispeýshiligi týraly habarlap otyr.
AQSh maska taǵýdy mindetteitin erejeni alyp tastamaq
AQSh vaktsina alǵandar úshin kóshede maska taǵýdy mindetteitin erejeni alyp tastamaq. Prezident Djo Baidennyń aitýynsha, bul – eldiń virýspen kúres kezinde jetistikke jetkenininiń belgisi.
Eýropalyq Odaq: jasyl pasporttar men vaktsinalyq diplomatiia
Búgin Eýroparlament ekpe alǵandar men aýyryp shyqqandarǵa blok ishinde júrip-turýdy jeńildetetin sandyq jasyl sertifikat boiynsha óz pozitsiiasyn naqtylaidy. Ári qarai EO elderimen kelissóz júrgizilip, mamyrdyń aiaǵyna deiin kelisimge kelý kózdelip otyr. Ózindik vaktsinalyq pasporttar Frantsiia men Daniiada qoldanysqa engen, degenmen olar EO-nyń basqa elderine sapar jasaýǵa artyqshylyq bermeidi.
Kovidten dári
Amerikalyq-nemis farmatsevtikalyq kompaniiasy Pfizer-BioN-Tech ónidiristi jalǵastyrýda, aǵymdaǵy jyldyń aiaǵyna deiin Covid-19-dan dári óndirmek.
Kontsernniń bas direktory Albert Býrlanyń aitýynsha, preparat aýrýdyń alǵashqy belgileri paida bolǵan kezde qabyldaýǵa arnalady.
Eýropada taǵy ne bolyp jatyr?
Ispaniia biligi sandyq sertifikattar júiesin engizip, maýsymnan bastap eldi sheteldikterge ashýdy josparlap otyr. Osyndai jospardy Horvatiia men Portýgaliia da qarastyrýda.
Gretsiia dúisenbiden bastap jeti elden kelgender úshin mindetti karantindi alyp tastady.
Briýsselde jaqyn kúnderi Britaniia men EO elderimen shekarany ashý jáne jazǵy demalys kezinde júrip-turý sharttary týraly kelissóz júrgizilmek.
Britaniia eýropalyq elder arasynda halyqty vaktsinalaý qarqyny boiynsha kósh bastap tur. Qoǵamdyq densaýlyq saqtaý departamentiniń málimetinshe, 33,8 mln eresek britandyq kem degende alǵashqy dozany alyp, árbir tórtinshi adam tolyq vaktsinalanǵan.
Kipr 10 mamyrdan bastap 65 eldiń vaktsinalaýdyń tolyq kýrsyn alǵan azamattaryna elge erkin kirýge ruqsat etedi. Ol úshin vaktsinanyń eki dozasyn alǵany týraly rastaý qaǵazyn kórsetse bolǵany.
