Álemdegi 11 myń ǵalym klimattyń ózgerýi týraly saiasatkerlerge baǵyttalǵan úndeý hat jariialady, dep habarlaidy "Ult aqparat" CNN-ge silteme jasap.
«Búkil álemniń túkpir túkpirinen shyqqan 11 myń ǵalym adamzat óziniń qazirgi jolyn ózgertpese, klimattyń ózgerýi qandai azap shekkizýi múmkin ekeni týraly hat jazdy. Olar ǵalym retinde bardy bar dep aitýǵa moraldyq quqyqtary bar ekenin málimdedi», delingen materialda.
Baiandama avtorlarynyń biri Fibi Barnard bul qujat eń aldymen saiasatkerlerge baǵyttalǵanyn aitqan.
«Keler urpaq saiasatkerler týraly jaman oida bolady, sebebi olar klimattyń ózgerýi órkenietke tóngen qaýip ekenine mán bermedi», - deidi ol.
Aita ketý kerek, ǵalymdar buǵan deiin de birigip pikir bildirgen edi. 2017 jyly 184 memleketten jinalǵan 16 myń ǵalym «adamdar men álem qaqtyǵys aldynda turǵanyn» eskertip úndeý hat jazǵan edi. Al biylǵy hat BioScience ǵylymi jýrnalynda jariialandy. 150-den astam memleket ǵalymdarynyń aitýynsha, klimattyq daǵdarys «bai ómir súrýge umtylýǵa» bailanysty.
«Klimat belsendisi Greta Týnbergtiń sózderin qaitalaǵan ǵalymdar tiisti sharalar qabyldamaityn saiasatkerlerdi synady. Sonymen qatar olar bul máseleni sheshýge kómektese alatyn úsh negizgi faktordy aitty. Olar: qazba otynnan bas tartý, klimatty lastaityn qaldyqtardy azaitý jáne etti az tutyný, kómirteksiz ekonomika qurý, qyzdardy oqytý men otbasyn qurý qyzmetine investitsiia salý arqyly halyq sanyn arttyrý», - dep jazady avtor.
