Jahandyq daǵdarys milliondaǵan sábi men balanyń densaýlyǵyna qaýip tóndirip otyr. Mundai jaǵdaida eń tiimdi sheshim – emizý, dep habarlaidy QazAqparat BUU jańalyqtaryna silteme jasap.
Dúniejúzilik bala emizý aptalyǵy aiasynda IýNISEF jáne DDSU úkimetterdi, ásirese tótenshe jaǵdaida ómir súretin otbasylar úshin emizý baǵdarlamasyn qoldaýǵa kóbirek resýrs bólýge shaqyrady.
Aýǵanstanda, Ýkrainada, Iemende, Afrikada jáne Sahelde tótenshe jaǵdai kezinde emshek sútimen emizý - náresteler úshin qaýipsiz, toiymdy jáne qoljetimdi tamaq kózi. Ol aýrýdan jáne ashtyqtan qorǵaidy.
Sondai-aq, emizý - bala úshin alǵashqy vaktsina, ol balalar arasynda taraityn aýrýlardan qorǵaidy.
Alaida, anasynyń tótenshe jaǵdai kezindegi emotsionaldyq ahýaly, azyp-tozýy, sanitarlyq jaǵdaidyń bolmaýy saldarynan kóptegen balalarda emý múmkindigi bolmai jatady.
Jańa týǵan balalardyń jartysynan kemi dúniege kelgen alǵashqy saǵatta emedi. Tek 44 protsenti alǵashqy alty aida tek qana emshek emedi.
