Eýropalyq komissiia týristik maýsym bastalar aldynda Eýroodaqqa biryńǵai «tsifrlyq jasyl sertifikat» qujatyn engizbek.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly habarlady.
Atalǵan qujat adamnyń covid-19-ǵa qarsy ekpe alǵanyn nemese koronaivrýsqa tekserýden ótkenin bildiredi. Iaǵni, ol adam Eýropa aýmaǵynda erkin júre alady.
Izrail memleketi de osyndai sharalar qoldanyp jatyr. Barlar, meiramhanalar, murajailar men teatrlar qaitadan ashylǵannan beri bir aptadan astam ýaqyt ótti. Biraq siz olarǵa «jasyl tólqujat» bolǵan jaǵdaida ǵana kire alasyz - Izrailde vaktsina tólqujattary osylai atalady. Qujat vaktsinanyń ekinshi dozasyn alǵannan keiin bir aptadan soń beriledi.
Resei kovidtik shekteýlerdi birtindep alyp tastai bastady: Prezidenttiń baspasóz hatshysy Dmitrii Peskov statistika buryn engizilgen sanitarlyq sharalardy kezeń-kezeńimen alyp tastaýǵa múmkindik beretinin aitty. Sonymen birge, Resei biligi, koronavirýstyń jańa shtamdary paida bolý múmkindigine orai, qyraǵy bolýǵa shaqyrady.
Ispaniiada týristik maýsym bastalyp jatyr. Benidorm jaǵajailarynda demalýshylar kóbeiýde. Eger kelýshiler koronavirýsqa teris nátijeli test usynǵan jaǵdaida, Gandiia 50 myńnan astam adamdy qabyldaýǵa daiyn.
