Eki dúrkin chempion Aibek Nuǵymarovty jeńip «Álem barysy-2019» jeńimpazy atanǵan reseilik Roman Bobikov Aqtóbede 15-16 jeltoqsanda ótetin Qazaq Kuresi Álem chempionatyna qatysatyndyǵyn rastady, dep habarlaidy "Ult aqparat" Qazaq Kuresi Halyqaralyq federatsiiasynyń baspasóz qyzmetine silteme jasap.
«Biyl men qazaq kúresine óte muqiiat daiyndaldym. Maýsym aiynan bastap jattyǵýlarǵa belsendi kiristim, qarsylastarymdy zerttedim, olardyń jekpe-jegin baqylap, ár sportshynyń ózindik tehnikasyn bildim de, soǵan sáikes ózimniń taktikamdy jasadym. Bul maǵan «Álem barysy-2019» finalynda jeńimpaz atanýǵa kómektesti. Endigi Qazaq Kuresi Álem chempionatynda da kómektesedi dep senemin», – deidi chempion Roman Bobikov.
Reseilik sportshy +100 salmaqta jáne absoliýtti salmaqta beldesetin bolady. Romannyń aitýynsha, «qazaqsha kúres - bul óte yńǵaily sport túri, munda siz ózińizdiń bar múmkindigińizdi, fizikalyq kúshińizdi qoldana alasyz. Sonymen qatar, onyń jaraqat alý qaýpi jaǵynan az bolǵany unaidy».
Qazaq Kuresi búkil álemde damyp keledi. Búgingi tańda Federatsiia quramynda 29 el bar. Álem chempionatyna alǵash ret Koreia, Frantsiia, Aýǵanstan jáne Ispaniia siiaqty elder qatysady. Osylaisha, Halyqaralyq Qazaq Kuresi federatsiiasy óziniń geografiiasyn keńeitýde.
«Reseide kóptegen sportshylar osy sport túrine qyzyǵýshylyq tanytýda. Álem chempionatyna ár salmaq kategoriiasynda tek bir ǵana balýannyń kelýi ókinishti. Bizdiń quramada dziýdo jáne sambo chempiondary bar. Qazir biz kúndelikti tańerteńnen keshke deiin qarqyndy jattyǵý júrgizip jatyrmyz. Men, tipti, «Álem barysy» utysyn jumsap úlgermedim», – deidi chempion.
Esterińizge sala keteiik, Aqtóbe qalasynda ótetin Qazaq Kuresi Álem chempionatyna 40-tan astam eldiń sportshylary qatysady. Chempionatta 8 sheteldik jáne óz elimizdiń 12 tóreshisi tórelik etetin bolady.
Qazaq Kuresi Halyqaralyq federatsiiasy - bul halyqaralyq deńgeige ie qazaq Qazaq Kuresi týrnirleriniń belsendi uiymdastyrýshysy bolyp tabylatyn Qazaqstandaǵy jalǵyz qoǵamdyq uiym.
Federatsiia jyl saiyn halyqaralyq týrnirler men is-sharalar ótkizedi. Eki jyldan astam ýaqyt ishinde: Qazaq Kuresi 2017 Álem chempionaty (Astana, Qazaqstan), 2018 Halyqaralyq bapkerler men tóreshilerge arnalǵan seminar (Tbilisi, Grýziia), Qazaq kuresi Eýropa chempionaty (Grýziia jáne Polsha), 2018 oqý-jattyǵý jiyny (Almaty, Qazaqstan), Aziia chempionattary (Qazaqstan jáne Mońǵoliia) federatsiianyń qoldaýymen «Álem barysy» sekildi týrnirler ótkizildi.
