Densaýlyq saqtaý ministri Aleksei Tsoi Almatyǵa issapary barysynda qala ákimi Baqytjan Saǵyntaevpen jáne meditsina qyzmetkerlerimen kezdesti, dep habarlaidy "Ult aqparat".
Densaýlyq saqtaý ministrliginiń málimetinshe, júzdesýde qazirgi epidjaǵdai jáne koronavirýs infektsiiasyna qarsy kúres boiynsha qabyldanyp jatqan sharalardyń tiimdiligin talqylanǵan.
Aleksei Tsoi KVI boiynsha jaǵdai Memleket basshysy men Úkimettiń erekshe baqylaýynda ekenin atap ótti.
Sondyqtan Almatyda COVID-19-ǵa qatysty jaǵdaidy turaqtandyrý úshin jergilikti atqarýshy organdardyń, Densaýlyq saqtaý ministrligi, qalalyq densaýlyq saqtaý basqarmasy mamandarynyń, jetekshi klinitsister men sanepidbaqylaý qyzmeti mamandarynyń, meditsinalyq jáne farmatsevtikalyq baqylaý komiteti qyzmetkerleriniń qatysýymen kóshpeli shtab ótkizý týraly sheshim qabyldandy.
Ministr máseleni infektsiianyń odan ári taralý qaýpin, virýstyń jańa mýtatsiialaryn eskere otyryp sheshýge nazar aýdardy.
