Atyraý oblysynyń «Saǵyz» komandasy KVN halyqaralyq odaǵynyń prezidenti Aleksandr Masliakovtan shaqyrtý alyp, Sochi qalasyna attandy, dep habarlaidy "Ult aqparat".
Sochide 11-22 naýryzda «KiViN-2021» kóńildi tapqyrlar klýby komandalarynyń 32-shi halyqaralyq festivali ótip jatyr. Atalǵan festivalǵa «Saǵyz» komandasy bes oiynshymen qatysady. Olarǵa oblys ákimdigi men jergilikti kásipker demeýshilik kómek kórsetti.
«Bizde azdaǵan qobaljý bar. Óitkeni, sahnada alǵash ret orys tilinde óner kórsetemiz. Degenmen, bizdiń komanda 12 jyldan beri sahnada óner kórsetip, biraz tájiribe jinady. Reseilik kóńildi tapqyrlar klýbynda óner kórsetý ár komandanyń músheleriniń armany ǵoi. Bul – bizdiń besinshi talpynysymyz. Buǵan deiin qarjynyń joqtyǵynan Reseige bara almap edik», -deidi «Saǵyz» komandasynyń negizin qalaýshy Ernar Sakýpov.
Onyń aitýynsha, komanda músheleriniń deni Qyzylqoǵa aýdanyndaǵy Saǵyz aýylynyń jastarynan quralǵan. Bul komanda birneshe ázil-syqaq shoý-baǵdarlamasynyń birneshe dúrkin jeńimpazy bolǵan. Sondai-aq, «Kóńildi tapqyrlar alańy» jastar jobasynyń chempiony atanǵan. Endi komanda músheleriniń alǵa qoiǵan maqsaty – aldymen Krasnodar óńirlik ligasyna, sonan soń Reseidiń birinshi ligasyna kirý.
