Kelip túsken shaǵymdardyń taldaýy kórsetkendei, azamattar satqan kólik quraldary kóbine ýákiletti organnyń tirkeý esebinen shyǵarylmaǵan nemese qaita rásimdelmegen. Bul rette atalǵan kólik quralyna salyq tóleý mindeti salyq zańnamasy boiynsha osy azamattarda qalady, dep habarlaidy "Ult aqparat" Memlekettik kirister komitetine silteme jasap.
Salyqtyq mindetteme boiynsha aqparatty túzetýge jiberilgen 1507 ótinimniń 1282-si – biyl satylǵan kólikter boiynsha. Bul 86 paiyzdy qurap otyr. Salyq organdary 2019 jyl jáne ótken jyldar úshin bereshek týraly habarlamalardy taratty. Alaida, 2020 jyl úshin habarlama áli taralǵan joq. Qalǵan 225 shaǵymda kólik quraldary senimhat boiynsha satylǵan.
Aita ketý kerek, jeke tulǵalar salyq kezeńi úshin salyq somasyn derbes esepteidi jáne salyqty salyq kezeńiniń 31 jeltoqsanynan keshiktirmei tóleidi.
Kólik quraldaryna salyqty derbes esepteý úshin Memlekettik kirisiter organdarynyń portalynda yńǵaily jáne paidalanýǵa ońai «Salyq kalkýliatory» arnaiy servisi bar. Salyq organdary salyq zańnamasynyń normalaryna sáikes kólik quraldaryna salyqty 2019 jyl úshin 2020 jyly, 2020 jyl úshin 2021 jyly ýákiletti organnyń málimetteri negizinde esepteidi.
Bul rette aǵymdaǵy jyldyń naýryz aiynda elimizde qalyptasqan epidemiologiialyq jaǵdaiǵa bailanysty salyq organdarynda azamattardyń jappai jinalýyn boldyrmaý úshin salyq bereshegin óndirip alý sharalary toqtatyldy.
Qazirgi ýaqytta eldegi jaǵdaidyń turaqtanýyna jáne karantin rejiminiń jeńildetilýine bailanysty salyq organdary 2019 jylǵa jáne ótken kezeńderge, onyń ishinde 2020 jyly satylǵan kólik quraldary boiynsha, salyq bereshegi týraly habarlamany azamattarǵa jappai taratý júrgizildi.
Osyǵan bailanysty, kólik quraldaryn 2019 jylǵa jáne ótken kezeńderge salyq bereshegin tólemei satqan ielerine salyq bereshegi týraly habarlama jiberildi.
Bul rette, eger kólik quraly menshiginde bolmasa qate málimetterdi jedel túzetý úshin App Store jáne Play Marke-ten júkteýge bolatyn e-Salyq mobildi qosymshasynda túzetý servisi ázirlendi. Onyń kómegimen azamattar kólik quralyn esepten shyǵarý nemese aqparatty túzetý úshin ýákiletti organǵa júgine alady.
Eger ótinish berilgennen keiin ýákiletti organnyń derekter bazasyna túzetýler engizse, salyq organy salyqty qaita esepteýdi júrgizetinine nazar aýdaramyz.
