Foto: kazgazeta.kz
Biryńǵai jinaqtaýshy zeinetaqy qory (BJZQ) azamattardy deldal qyzmetin usynyp júrgen kúmándi tulǵalarǵa senbeýge shaqyrdy, dep habarlaidy Ult.kz.
Qor málimetinshe, áleýmettik jeliler men túrli onlain platformalarda zeinetaqy jinaǵyn zańdy shekten tys «sheship berýge» kómektesemin dep aldyn ala aqy suraityn qyzmetter jiilegen. Mundai usynystardyń basym bóligi zań talaptaryna sai kelmeidi jáne azamattardy qarjylyq táýekelge uryndyrýy múmkin.
Resmi túrde zeinetaqy tólemderi eshqandai deldalsyz, qosymsha komissiiasyz jáne tek zańda belgilengen tártippen júzege asyrylady.
BJZQ mundai kúmándi shemalarǵa qatysý tek qarjydan qaǵylýǵa emes, jeke derekterdiń úshinshi tulǵalardyń qolyna túsýine de sebep bolýy múmkin ekenin eskertti. Sondyqtan azamattarǵa tek resmi aqparat kózderine súienip, kúmándi usynystardan bas tartý qajet.
Zańnamaǵa sáikes, zeinetaqy jinaǵyn belgili bir jaǵdailarda ǵana paidalaný múmkin. Atap aitqanda, zeinet jasyna jetkende, I nemese II toptaǵy múgedektik belgilengende, shetelge turaqty turýǵa ketkende nemese muragerlik tártippen beriledi. Sondai-aq, jinaqtyń bir bóligi turǵyn úi jaǵdaiyn jaqsartýǵa jáne emdelý shyǵyndaryna jumsalýy múmkin. Alaida barlyq rásimder tek zań talaptaryna sai júrgizilýi tiis.
BJZQ zeinetaqy jinaqtaryn paidalaný tek ýákiletti operatorlar arqyly júzege asatynyn taǵy da eske saldy.
