Sinoptikter 5-7 shildege arnalǵan aýa raiy boljamyn usyndy, - dep habarlaidy "Ult aqparat".
Boljam boiynsha, Qazaqstannyń kóptegen óńirinde aýa raiyna Ońtústik tsiklon áser etedi. Jel soǵyp, jańbyr jaýady. 5 shildede shyǵysta, ońtústik-shyǵysta, soltústikte, 6 shildede soltústik-batysta, respýblikanyń ortalyǵynda qatty jańbyr jaýady, naizaǵai kútiledi, burshaq jaýýy múmkin.
"7 shildede elimizdiń batys óńirlerinde joǵary atmosferalyq qysym áserinen jaýyn-shashyn toqtaidy dep kútiledi. Aýa temperatýrasy kúndiz batysta +18+26 gradýstan +23+31 gradýsqa deiin, soltústik-batysta, soltústikte +15+23 gradýstan +20+28 gradýsqa deiin joǵarylaýy múmkin.
Mańǵystaý oblysynda +23+28 gradýs, Mańǵystaý oblysynyń ońtústiginde +31 gradýs, eldiń ortalyǵynda +20+28 gradýs, Qaraǵandy jáne Ulytaý oblystarynyń ońtústiginde +33 gradýs, respýblikanyń shyǵysynda aýa temperatýrasy +22+29 gradýs, Shyǵys Qazaqstan oblysynyń ońtústiginde +33 gradýs, Qazaqstannyń ońtústiginde +30+37 gradýstan +25+33 gradýsqa deiin, eldiń ońtústik-shyǵysynda aýa temperatýrasy +28+33 gradýs, taýly aýdandarda +23 gradýs bolady dep kútiledi", - delingen habarlamada.
