Qazgidromet 18-20 jeltoqsanǵa arnalǵan aýa raiy boljamyn jariialady, - dep habarlaidy "Ult aqparat".
Qazaqstannyń kóptegen aimaǵynda turaqsyz aýa raiy bolady. Buǵan soltústik-batys tsiklonyna bailanysty atmosferalyq frontaldy aýa aǵyny ótýi yqpal etedi.
"Qar jaýyp, kóktaiǵaq, tuman, ekpindi jel, eldiń soltústik jartysynda burqasyn bolady. Batysta aýa temperatýrasy túnde 5 gradýs aiaz, 2 gradýs jyly, kúndiz 3 gradýs aiaz, 5 gradýs jyly, soltústik-batysta aýa temperatýrasy túnde 0-5 gradýs aiaz, kúndiz 3 gradýs aiaz, 2 gradýs jyly, respýblikanyń soltústiginde jáne ortalyǵynda túnde 1-13 gradýs aiaz, kúndiz 0-8 gradýs aiaz, shyǵysta aýa temperatýrasy túnde 5-15 gradýstan 0-10 gradýsqa deiin aiaz, kúndiz 0-10 gradýs aiaz, elimizdiń ońtústiginde jáne ońtústik-shyǵysynda 5 gradýs aiaz, 2 gradýs jyly, kúndiz 2-13 gradýs jyly bolady", - deidi sinoptikter.
