Sapporo, Solt-Leik-Siti jáne Barselona aldaǵy Qysqy Olimpiada oiyndaryn ótkizýge qyzyǵýshylyq tanytty, - dep habarlaidy Olympic.kz.
HOK aldaǵy Qysqy Olimpiada oiyndaryn ótkizý jónindegi komissiia tóraǵasy Oktavian Morariý osy úsh qalanyń 2030, 2034 jáne 2038 jyldary Olimpiada oiyndaryna qatysýǵa qyzyǵýshylyq tanytyp otyrǵanyn málim etti. Rýmyniialyq HOK múshesi úsh jobanyń «túrli damý deńgeiinde» ekenin aitty.
1972 jyly Qysqy Olimpiada oiyndaryn ótkizgen Sapporo 2030 jyly kóshbasshy bolyp otyr jáne úsh úmitkerdiń arasynda ótkizý múmkindigi joǵary qala. Qala meri Katsýhiro Akimoto HOK prezidenti Tomas Bakpen kezdesýi tiis, al Japoniia olimpiada komiteti osy aidyń sońynda Sapporonyń HOK-pen dialog ornatý týraly resmi sheshim qabyldaýy kerek.
Astanasy Sapporo sanalatyn Hokkaido mýnitsipaliteti Japoniia Olimpiada komitetiniń atynan qyzyǵýshylyq tanytqan jalǵyz óńir bolyp otyr.
Sapporo 2018 jyldyń qyrkúieginde Hokkaido aýdanynda magnitýdasy 6,7 balldyq jer silkinisinen keiin 2026 jylǵy Qysqy Olimpiada men Paralimpiada oiyndaryna qatysýdan bas tartty.
Solt-Leik-Sitide de, Pireneia-Barselonada da tehnikalyq-ekonomikalyq tekserý júrgizildi, dep habarlady Morariý.
AQSh Olimpiada jáne Paralimpiada komiteti Solt-Leik-Siti qalasyn qysqy Olimpiada oiyndaryna bolashaq úmitker retinde seriktes dep tańdady, alaida qai shyǵarylymǵa úmitker bolatynyn anyqtamady.
2002 jyly qysqy Olimpiada oiyndary ótken Solt-Leik-Sitide burynǵy alańdar tolyqtai paidalanylady. Pireneia-Barselona Ispaniia syrtyndaǵy nysandardy qoldanady. Sebebi, qalada shańǵy tebýge arnalǵan oryndar joq. Bul máseleni sheshýge Ispaniia Olimpiada komiteti kómektesedi.
Segiz adamnan quralǵan Morariý komissiiasyna Qysqy Olimpiada oiyndaryn ótkizetin oryndardy anyqtaý tapsyrylǵan.
