Sinoptikter 29-30 qyrkúiekke, sondai-aq 1 qazanǵa arnalǵan aýa raiy boljamyn usyndy, - dep habarlaidy "Ult aqparat".
"Qazgidromet" RMK málimetinshe, sýyq antitsiklon Qazaqstan aýmaǵynyń basym bóliginde áserin saqtaidy.
"Túnde aýa temperatýrasynyń nóldik máni saqtalady jáne eldiń soltústik aýdandarynda jaýyn-shashynnyń toqtaýy kútiledi. Respýblikanyń batysynda ǵana soltústik-batystan aýysyp kele jatqan tsiklon áserinen aýa temperatýrasynyń birtindep kóterilýi kútiledi", - delingen habarlamada.
Jalpy respýblika boiynsha: eldiń soltústik jartysynda – tuman, jel kúsheiedi, respýblikanyń ońtústik-batysynda jáne ońtústiginde – qumdy daýyl kútiledi.
"Qazaqstannyń soltústiginde, shyǵysynda jáne ortalyǵynda túngi aýa temperatýrasy 3-10 gradýsqa deiin, kúndiz 0-5 gradýsqa deiin tómendeidi, ońtústikte kúndiz 13-23 gradýsqa deiin, ońtústik-shyǵysta 5-13 gradýsqa deiin, respýblikanyń batysynda kúndiz termometr 17-30 gradýsqa deiin kóteriledi", - dep naqtylady meteorologtar.
