Qazgidromet 20-22 mamyrǵa arnalǵan aýa raiy boljamyn jariialady, dep habarlaidy "Ult aqparat".
20 mamyrda Qara teńiz aýdandarynan sýyq aýa massalarynyń basyp kirýinen batys jáne ońtústik óńirlerdi qospaǵanda, respýblikanyń basym bóliginde aýa temperatýrasynyń qysqa merzimdi tómendeýi kútilýde.
Túnde soltústik, soltústik-batys, ortalyq, shyǵys, ońtústik-shyǵys aimaqtarda kei jerlerde 2 gradýsqa deiin qatqaq bolady. Biraq 21 mamyr kúni kúndiz Iran aýdandarynan jyly aýa massalarynyń shyǵarylýynan temperatýra kóteriledi: soltústik, soltústik-batys, ortalyq aýdandarda 25-33, ońtústikte 35 gradýsqa deiin jyly bolmaq.
Atmosferalyq frontaldy júielerdiń ótýinen kei jerlerde naizaǵai oinap, qatty jel soǵady, burshaq jaýýy múmkin, 20-21 mamyrda elimizdiń shyǵysy men ońtústik-shyǵysynda kei jerlerde qatty jańbyr jaýady. Túnde jáne tańerteń jekelegen oblystarda respýblika boiynsha tuman kútiledi.
