Memleket basshysy Qasym-Jomart Toqaev Májilistiń jalpy otyrysynda depýtattar men ákimderdiń eńbekaqysyn kóterýge besjyldyq moratorii jariialady, dep habarlaidy QazAqparat.
«Úkimet músheleri men depýtattardyń jáne árine ákimderdiń eńbekaqylaryn atap óteiin. Ótken jyldyń sońynda bul másele qoǵamda qyzý talqylandy. Negizi atalǵan sanattaǵy memlekettik qyzmetshilerdiń jalaqysy tolyǵymen jetkilikti dep sanaimyn. Sondyqtan Úkimet músheleriniń, óńirlerdiń ákimderiniń jáne depýtattardyń jalaqysyn kóterýge bes jyldyq moratorii jariialaýǵa bolady dep sanaimyn», - dedi Memleket basshysy Májilistiń jalpy otyrysynda.
Bul rette Prezident ákimshilik memlekettik qyzmetshiler men biýdjettegilerdiń eńbekaqysyn ósirý jalǵasatynyn aitty.
«Bul Májilis depýtattary úshin jaqsy jańalyq emes ekenin túsinemin, biraq sizder bul jańalyqty túsinistikpen qabyldaisyzdar dep oilaimyn. Ákimshilik memlekettik qyzmetshiler men biýdjettegilerdiń eńbekaqysyn biýdjet múmkindikteriniń ósýine qarai arttyrýdy jalǵastyramyz», - dedi Qasym-Jomart Toqaev.
