Aldaǵy 5 jylda Qazaqstannyń orman-toǵaily aimaǵy 5 paiyzǵa jetedi. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev «ECOJER» halyqaralyq kongresi barysynda aitty, dep habarlaidy QazAqparat.
«Jahandyq temperatýranyń kóterilýimen kúreste batyl áreket jasaityn ýaqyt jetti. Ótken jyly biz ulttyq zańnamamyzdy qaita qarap shyqtyq jáne jańa Ekologiialyq kodeks qabyldadyq. Bul sheshimder ázirleýde klimattyń ózgerýine beiimdelý protsesin jaqsyraq yqpaldastyrý úshin jasaldy», - dedi ministr.
Onyń atap ótýinshe, bul jergilikti deńgeide, sonymen qatar klimattyń ózgerýine barynsha beiim sektorlarda turaqtylyqty arttyrýdyń tiimdi júiesin qurýǵa múmkindik berdi.
«Buǵan qosa Prezidenttiń tapsyrmasy aiasynda aldaǵy 5 jyldyń ishinde parnikti gazdardyń sińirilýin arttyrý úshin 2 mlrd aǵash otyrǵyzatyn bolamyz. Atalǵan is-sharalardyń nátijesi respýblika aýmaǵynda orman-toǵaily aimaqty 5 paiyzǵa deiin jetkizýge múmkindik beredi. Mundai tabiǵatqa baǵdarlanǵan sheshim klimattyń ózgerýi saldarynan qýańshylyq problemasyn tejeýge múmkindik beredi dep esepteimiz», - dedi Maǵzum Myrzaǵaliev.
