Jyl basynan beri internet-alaiaqtar 2 myń adamnyń derbes derekterin urlap, sonyń negizinde onlai nesieler resimdegen, dep habarlaidy QazAqparat.
Ishki ister ministrliginiń resmi ókili Nurdildá Oraz vedomstvonyń aqparat alańynda ótken onlain brifingide osyndai málimet taratty.
«Alaiaqtardyń ǵalamtor arqyly jasaityn ailasy kún saiyn túrlenip jatyr. Politsiia saq bolý qajettigin qansha eskertse de, san soǵyp qalyp jatqandar jeterlik. 9-15 tamyzy aralyǵynda respýblika aýmaǵynda aqparattyq tehnologiialardy qoldaný arqyly jasalǵan qylmystardyń, onyń ishinde internet-alaiaqtyqtyń aldyn alýǵa, ashýǵa jáne jolyn kesýge baǵyttalǵan «Alaiaqtyqqa qarsy» jedel-profilaktikalyq is-sharasy ótkizildi. Nátijesinde bir apta ishinde 270 zańbuzýshylyq anyqtaldy. Sonyń ishinde túrleri boiynsha: internet qoldanýshylarǵa qarsy alaiaqtyq – 230, aqparattyq tehnologiialardy qoldaný arqyly urlyq jasaý – 6, aqparatqa zańsyz qol jetkizý - 4, qylmystyń basqa 30 túri tirkeldi», - dedi Nurdildá Oraz.
Sondai-aq ol, osy shara kezinde buryn jasalǵan 433 qylmystyń beti ashylǵanyn atady.
«Internetke júrgizilgen monitoringte zańsyz kontenti bar 664 resýrs anyqtaldy. Jalpy, jyl basynan beri ishki ister organdary internet-alaiaqtyqtyń 13 myńnan astam faktisin tirkedi. Olardyń 5000-y alaiaqtardyń onlain saýda alańdary men veb-saittarda ornalastyrǵan jarnamalaryna negizdelgen faktileri boiynsha qozǵaldy. 2000 alaiaqtyq azamattardyń jeke málimetterin alyp qoiýmen bailanysty, olardyń atynan onlain nesie keiin tirkelip otyrǵan. Mobildi banking arqyly aqshasy urlanǵan azamattardyń jeke derekteri men kartochkalyq shottarynyń derektemelerin alý arqyly myńnan astam alaiaqtyq jasaldy», - dedi Ishki ister ministrliginiń resmi ókili.
