Túrkistan oblysy Jetisai aýdandyq politsiia bólimine aryzdanǵan jergilikti turǵyn alaiaqtyń qurbany bolǵanyn jetkizgen, dep habarlaidy QazAqparat.
Jábirlenýshi altyn satýmen ainalysqan. 3 ai boiy turaqty tutynýshy bolyp kelgen beitanys adam sońǵy ret qaryzǵa alǵan altyndardyń aqshasyn bermei ketken. Jalpy jábirlenýshige keltirilgen shyǵyn kólemi 49 million teńgeni quraidy.
Jan-jaqty izdestirý jumystary nátijesinde kúdikti qamaýǵa alyndy. Tergeý barysynda belgili bolǵandai, ol jábirlenýshiden alǵan altyn buiymdardy Jetisai aýdanyndaǵy lombardtardyń birine ótkizip jibergen. Al aqshasyn óz qajettiligine jumsaǵan. Qazirgi tańda asa iri mólsherdegi altyn buiymdar aiǵaqty zat retinde alynyp, zańdy iesine qaitaryldy.
