«Alataý Jaryq Kompaniiasy» AQ-na 4,6 mln teńge aiyppul salyndy, dep habarlaidy "Ult aqparat" Tabiǵi monopoliialardy retteý komitetine silteme jasap.
Komitetke qarasty Almaty qalasy boiynsha departamentiniń málimetinshe, «Gorsvetgroup» JShS-nyń ótinishi boiynsha «Alataý Jaryq Kompaniiasy» AQ-na qatysty jospardan tys tekserý júrgizilgen.
Tekseris nátijesi boiynsha «Tabiǵi monopoliialar týraly» Zańnyń 26-baby 2-tarmaǵy 8 tarmaqshasy buzylǵany anyqtaldy.
Atap aitqanda, «Alataý Jaryq Kompaniiasy» úlgilik sharttarǵa sáikes rettelip kórsetiletin qyzmetterdiń árbir túri úshin tutynýshylarmen jeke sharttar jasaspaǵan.
Osyǵan bailanysty, TMRBD-nyń qaýlysymen «Alataý Jaryq Kompaniiasy» AQ-na «Ákimshilik quqyq buzýshylyq týraly» kodekstiń 164-baby 4-bóligi boiynsha ákimshilik jaýapkershilikke tartyp, 4 mln 667 myń 200 teńgege aiyppul saldy.
Aita keterligi, departament qaýlysyna qatysty Almaty qalasynyń Ákimshilik quqyq buzýshylyqtar boiynsha Mamandandyrylǵan aýdanaralyq sotyna shaǵym túsken, alaida departament qaýlysy kúshinde qaldy.
