QR Energetika ministrligi aviaotynmen qamtamasyz etý jumystary jóninde taǵy da málimdeme jasady, dep habarlaidy QazAqparat.
«Vedomstvo aviaotyn qorlarynyń bolýyn jiti baqylap otyr jáne qazirgi ýaqytta áýe qatynasynyń buzylý qaýpi joq. Muny QR IDM Azamattyq aviatsiia komitetindegi áriptester de rastap otyr. Sonymen qatar, elorda áýejaiy habarlaǵandai, reseilik otyn jetkizýshiler Qazaqstanǵa jetkizýden bas tartty. Bul rette kórshi elden indikativtik teńgerimge sáikes 300 myń tonnaǵa deiin aviakerosin importtalýy múmkin. Is júzinde 9 aida Reseiden 55 myń tonna ǵana ákelindi», - dedi Energetika ministrliginiń baspasóz hatshysy Áigerim Orazalieva.
Onyń aitýynsha, «QazMunaiGaz» UK AQ-qa jaqyn arada qosymsha 2 myń tonna aviaotyn óndirý tapsyrylǵan, onyń bir bóligi Nur-Sultan qalasynyń áýejaiyna da bólinetin bolady. Iri jetkizýshilerdiń biri Astana áýejaiyna taǵy 700 tonna jetkizýdi qamtamasyz etýge daiyn.
«Qarashaǵa kelisimsharttar 1-2 kún ishinde jasalady. Ministrlik munai óńdeý zaýyttaryna aviakerosindi jóneltýdi jedeldetýdi tapsyrdy.Aviaotynǵa qatysty jaǵdai belgili bir sharalar men sheshimderdi talap etetinin taǵy da atap ótkim keledi, biraq jaǵdai tym kúrdeli dep aitýǵa kelmeidi jáne Energetika ministrligi kerosin qaldyqtarynyń kúrt tómendeýine jol bermeý úshin ony damytýdyń barlyq stsenariilerin pysyqtaýda», - deidi Orazalieva.
