Almaty oblysyndaǵy Alakól kóline qubyr arqyly lai sý tógilip jatyr. Qazir áleýmettik jelige taraǵan video halyqtyń narazalyǵyn týdyrýda, dep habarlaidy QazAqparat tilshisi.
Beinejazbaǵy málimetke sáikes, kólge tógilip jatqan sýdyń jaǵymsyz iisi bar.
«Mine, bul - Alakóldegi Aqshi aýyly. Mine, qarańyzdar, jaǵymsyz iisi bar sý kólge tógilip jatyr. Bul kanalizatsiianyń qaldyǵy. Iisi adam tózgisiz, jaǵymsyz. Mine, kóldi osylai lastap jatyr. Qanshama adam júr», - deidi beinejazbany túsirip júrgen avtor.
Al Alakól aýdanynyń ákimdigi bul máselege orai arnaiy komissiia qurylǵanyn jetkizdi.
«Qurmetti Alakól aýdanynyń turǵyndary men qonaqtary! Beinejazbada kórsetilgen sý «Kóktem grand» demalys ornynyń basseininen aqqan sý ekenin habarlaimyz. Kólge eshqandai ziiany joq. Aýdan ákimdiginiń qyzmetkerleri tarapynan atalǵan jerge baryp, tekserý jumystary júrgizildi. Ózderińizge belgili taralǵan beinejazbada kórsetilgen «Kóktem Grand» demalys ornynyń basseininen kólge quiylyp jatqan sý máselesi boiynsha búgin aýdandyq komissiia quryldy. Komissiia tóraǵasy aýdan ákiminiń orynbasary Aidyn Chalkenov, quramyna aýdandyq densaýlyq saqtaý basqarmasy, ekologiia, turǵyn úi kommýnaldyq sharýashylyq jáne turǵyn úi inspektsiiasy bólimi, «Atameken» Kásipkerler palatasy jáne aýdandyq kásipkerlik bólimi mamandarymen qamtyldy. Bul másele boiynsha qosymsha aqparat beriledi», - dedi Alakól aýdany ákiminiń baspasóz qyzmetinen.
