الماتى وبلىسىنداعى الاكٶل كٶلٸنە قۇبىر ارقىلى لاي سۋ تٶگٸلٸپ جاتىر. قازٸر ەلەۋمەتتٸك جەلٸگە تاراعان ۆيدەو حالىقتىڭ نارازالىعىن تۋدىرۋدا, دەپ حابارلايدى قازاقپارات تٸلشٸسٸ.
بەينەجازباعى مەلٸمەتكە سەيكەس, كٶلگە تٶگٸلٸپ جاتقان سۋدىڭ جاعىمسىز يٸسٸ بار.
«مٸنە, بۇل - الاكٶلدەگٸ اقشي اۋىلى. مٸنە, قاراڭىزدار, جاعىمسىز يٸسٸ بار سۋ كٶلگە تٶگٸلٸپ جاتىر. بۇل كاناليزاتسييانىڭ قالدىعى. يٸسٸ ادام تٶزگٸسٸز, جاعىمسىز. مٸنە, كٶلدٸ وسىلاي لاستاپ جاتىر. قانشاما ادام جٷر», - دەيدٸ بەينەجازبانى تٷسٸرٸپ جٷرگەن اۆتور.
ال الاكٶل اۋدانىنىڭ ەكٸمدٸگٸ بۇل مەسەلەگە وراي ارنايى كوميسسييا قۇرىلعانىن جەتكٸزدٸ.
«قۇرمەتتٸ الاكٶل اۋدانىنىڭ تۇرعىندارى مەن قوناقتارى! بەينەجازبادا كٶرسەتٸلگەن سۋ «كٶكتەم گراند» دەمالىس ورنىنىڭ باسسەينٸنەن اققان سۋ ەكەنٸن حابارلايمىز. كٶلگە ەشقانداي زييانى جوق. اۋدان ەكٸمدٸگٸنٸڭ قىزمەتكەرلەرٸ تاراپىنان اتالعان جەرگە بارىپ, تەكسەرۋ جۇمىستارى جٷرگٸزٸلدٸ. ٶزدەرٸڭٸزگە بەلگٸلٸ تارالعان بەينەجازبادا كٶرسەتٸلگەن «كٶكتەم گراند» دەمالىس ورنىنىڭ باسسەينٸنەن كٶلگە قۇيىلىپ جاتقان سۋ مەسەلەسٸ بويىنشا بٷگٸن اۋداندىق كوميسسييا قۇرىلدى. كوميسسييا تٶراعاسى اۋدان ەكٸمٸنٸڭ ورىنباسارى ايدىن چالكەنوۆ, قۇرامىنا اۋداندىق دەنساۋلىق ساقتاۋ باسقارماسى, ەكولوگييا, تۇرعىن ٷي كوممۋنالدىق شارۋاشىلىق جەنە تۇرعىن ٷي ينسپەكتسيياسى بٶلٸمٸ, «اتامەكەن» كەسٸپكەرلەر پالاتاسى جەنە اۋداندىق كەسٸپكەرلٸك بٶلٸمٸ ماماندارىمەن قامتىلدى. بۇل مەسەلە بويىنشا قوسىمشا اقپارات بەرٸلەدٸ», - دەدٸ الاكٶل اۋدانى ەكٸمٸنٸڭ باسپاسٶز قىزمەتٸنەن.
