Almaty oblysyndaǵy Alakól kóline qubyr arqyly jiberilgen sýdan synama alyndy, dep habarlaidy QazAqparat tilshisi.
«Qazir komissiianyń aqparaty boiynsha sorǵyshtan aqqan sý toqtady, kól jaǵalaýy taza. Beinejazbadaǵy aqqan sý eshqandai hlorsyz, taza basseinniń kólden alynǵan sýy. Sý soratyn sorǵysh sol ýaqytta isten shyqqandyqtan, ishke alynatyn sý keri qaitqan. Al demalys ornynyń dárethana qubyry bólek jerde ornalasqan. Aýdandyq taýarlar men kórsetilgen qyzmetterdiń sapasy men qaýipsizdigin baqylaý basqarmasynyń mamandary qazirgi ýaqytta zerthanalyq synamalar alýda», - delingen Alakól aýdany ákiminiń baspasóz qyzmeti taratqan aqparatta.
Esterińizge sala keteiik, Alakól kóline belgisiz lai sý qubyr arqyly tógilip jatqanyn týristter habarlaǵan bolatyn.
Beinejazbaǵy málimetke sáikes, kólge tógilip jatqan sýdyń jaǵymsyz iisi bar.
Artynsha Alakól aýdanynyń ákimdigi bul máselege orai arnaiy komissiia qurylǵanyn jetkizdi.
