الماتى وبلىسىنداعى الاكٶل كٶلٸنە قۇبىر ارقىلى جٸبەرٸلگەن سۋدان سىناما الىندى, دەپ حابارلايدى قازاقپارات تٸلشٸسٸ.
«قازٸر كوميسسييانىڭ اقپاراتى بويىنشا سورعىشتان اققان سۋ توقتادى, كٶل جاعالاۋى تازا. بەينەجازباداعى اققان سۋ ەشقانداي حلورسىز, تازا باسسەيننٸڭ كٶلدەن الىنعان سۋى. سۋ سوراتىن سورعىش سول ۋاقىتتا ٸستەن شىققاندىقتان, ٸشكە الىناتىن سۋ كەرٸ قايتقان. ال دەمالىس ورنىنىڭ دەرەتحانا قۇبىرى بٶلەك جەردە ورنالاسقان. اۋداندىق تاۋارلار مەن كٶرسەتٸلگەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنىڭ ماماندارى قازٸرگٸ ۋاقىتتا زەرتحانالىق سىنامالار الۋدا», - دەلٸنگەن الاكٶل اۋدانى ەكٸمٸنٸڭ باسپاسٶز قىزمەتٸ تاراتقان اقپاراتتا.
ەستەرٸڭٸزگە سالا كەتەيٸك, الاكٶل كٶلٸنە بەلگٸسٸز لاي سۋ قۇبىر ارقىلى تٶگٸلٸپ جاتقانىن تۋريستتەر حابارلاعان بولاتىن.
بەينەجازباعى مەلٸمەتكە سەيكەس, كٶلگە تٶگٸلٸپ جاتقان سۋدىڭ جاعىمسىز يٸسٸ بار.
ارتىنشا الاكٶل اۋدانىنىڭ ەكٸمدٸگٸ بۇل مەسەلەگە وراي ارنايى كوميسسييا قۇرىلعانىن جەتكٸزدٸ.
