Alakól aýdanynyń Aqshi aýylyndaǵy kafelerdiń birinde jappai tóbeles boldy, - dep habarlaidy "Ult aqparat" Almaty oblysy PD málimetine silteme jasap.
Quqyq qorǵaý organdary málimetinshe, oqiǵa tamyzdyń 15-nen 16 qaraǵan túni Alakólde demalýshylar kóp keletin «Aýra bar» dep atalatyn jerde bolǵan.
"Alakól aýdandyq politsiia bólimi barlyq mán-jaidy anyqtaý úshin oqiǵa ornyna jergilikti politsiia inspektory men jedel-tergeý tobyn jiberdi. Kúzetshiler kelgennen keiin dámhana qyzmetkerleri aryz jazyp, derekti rastady.
Qazirgi ýaqytta janjalǵa qatysýshylardy anyqtaý boiynsha jedel-izdestirý jumystary júrgizilip jatyr. Derek boiynsha QR Qylmystyq kodeksiniń 2-bóligi 293-baby ("Buzaqylyq") boiynsha qylmystyq is qozǵaldy. Tergeý barysy týraly keiinirek habarlanady. Tóbeles kezinde kýágerler men jábirlenýshiler politsiiaǵa habar túsirmegen", - delingen departament habarlamasynda.
