Almaty oblysy Alakól aýdany Aqshi aýylynda Alakól kólindegi «Marsel Femeli Resort» pansionatynda úrmeli matrasta júzip júrgen úsh jasóspirimdi gidroskýterge ie bola almaǵan 2000 jylǵy qyz bala basyp ketti, - dep habarlaidy "Ult aqparat".
Tótenshe oqiǵa ornyna dereý Almaty oblysy TJD qyzmetkerleri men aýdandyq politsiia bóliminiń qyzmetkerleri bardy.
Kelgennen keiin 2012 jyly týǵan segiz jasar bala basynan birneshe jerden jaraqat alǵany anyqtaldy. Ol Úsharal qalasynyń ortalyq aýdandyq aýrýhanasyna jetkizildi. Qalǵan balalar zardap shekken joq.
Almaty oblysynyń TJD azamattardan sýdaǵy qaýipsizdik erejelerin saqtaýdy suraidy. Skýtermen júrgende shomylyp júrgen adamdardan alys, qaýipsiz jerde júrý qajet, óitkeni kez kelgen abaisyzdyq apatqa ákelýi múmkin.
