Almaty oblysynyń Alakól aýdanynda aýrýhanaǵa jetkizilgen 15 jastaǵy jasóspirimniń jaǵdaiy ortasha aýyr, - dep habarlaidy "Ult aqparat".
«Balanyń oń jaq aiaǵyna birden operatsiia jasaldy. Qazir naýqastyń jaǵdaiy ortasha aýyr. Travmatologiia bóliminde emin alyp jatyr», - dedi Alakól aýdandyq aýrýhanasynyń travmatologiia bóliminiń meńgerýshisi Jandos Sadyqov.
Esterińizge sala keteiik, 20-tamyz kúni Almaty oblysynda eki jasóspirim eski ǵimaratta selfi jasaimyn dep mert boldy.
Oqiǵa Alakól aýdanyna qarasty Beskól aýylynyń mańynda bolǵan. 15 jáne 16 jastaǵy eki jetkinshek balyq zaýytynyń mańyndaǵy eki qabatty ǵimaratta sýretke túspek bolǵan kezde olardyń ústine betondy plita qulap ketken.
Oblystyq tótenshe jaǵdailar departamenti baspasóz qyzmetiniń málimeti boiynsha taǵy bir 15 jastaǵy er balanyń oń aiaǵy synyp, Úsharaldaǵy aýrýhanaǵa jetkizilgen.
