Biyl elimizde kórnekti filosof Ábý Nasyr Ál-Farabidiń 1150 jyldyǵy men uly aqyn-aǵartýshy Abai Qunanbaevtyń 175 jyldyǵy tuspa-tus kelip otyr. Osyǵan orai Yessenov University qabyrǵasynda Ál-Farabi jáne Abai atyndaǵy 500 oryndyq eki dárishananyń ashylýy ótti, dep habarlaidy "Ult aqparat".
Shara Beket Myrzaǵululynyń 270 jyldyǵyna arnalǵan «Beket Ata – túrki áleminiń tanymal tulǵasy» atty Halyqaralyq ǵylymi-praktikalyq onlain - konferentsiia aiasynda ótti. Oǵan Mańǵystaý oblysynyń ákimi Serikbai Trumov, Qazaqstan, Túrkiia, Ózbekstan elderinen kelgen teolog-ǵalymdar, saiasattanýshylar, filosoftar men dintanýshylar, sondai-aq Yessenov University professor-oqytýshylar quramy men ǵylymi qyzmetkerleri qatysty.
«Shyraily Shyǵys Qazaqstan óńirinen bastaý alǵan ulyq mereke kieli Mańǵystaý jerinde jalǵasyp jatyr. Oblys ortalyǵy Aqtaý qalasynda hakim Abaidyń eńseli eskertkishi boi kótergen. Búgin mine ordaly Esenov atyndaǵy joǵarǵy oqý ornynyń qabyrǵasynda uly aqynnyń oqý bólmesi ashylyp otyr. Búgingi býyn Ál-Farabi men Abai murasynan nár alyp, rýhani kemeldenýi qajet. Myna oqý zaly jas urpaqqa taǵylymdy oi salýǵa tiis»-dedi oblys ákimi.
Konferentsiia otyrysy Zoom platformasy arqyly onlain formatta júrgizildi. Tanymdyq sharanyń nátijeli ótýine iltipat bildirgen saiasi ǵylymdar doktory, QR Memlekettik hatshysy Qyrymbek Kósherbaev video quttyqtaý joldady. Konferentsiianyń plenarlyq otyrysyna Qazaqstannyń Nur-Sultan, Almaty, Túrkistan, Atyraý, Aqtóbe, Aqtaý qalalarynan jəne Túrkiianyń Stambul, Ózbekstannyń Hiýa qalalarynan ǵalymdar qatysyp, baiandama oqydy. Sondai-aq «Beket Ata tanymyndaǵy Adam men Ǵalam kontseptsiiasy», «Beket Ata jəne qazaqtyń kórkemdik-estetikalyq tanymy» baǵyttary boiynsha sektsiia jumystary júrgizildi. Oǵan elimizdiń ər óńirinen ynta bildirgen ǵalymdar men Yessenov University professor-oqytýshylary, ǵylymi qyzmetker qatysty.
Oblys ákimi S.Trumov onlain rejimde jiynǵa qatysýshyrǵa sáttilik tilep, túrki áleminiń basyn biriktirip, jastardy eljandylyqqa, otanshyldyqqa tárbieleitin sharanyń mańyzdylyǵyn atap ótti.
«Búgingi jiynnyń da negizgi maqsaty – babamyzdan qalǵan rýhani bailyq pen taǵylymy mol maǵlumatty kópshilik qaýymǵa, onyń ishinde jas urpaqtyń boiy sińirý. Beket atamyz týraly buǵan deiin de zertteýshi-ǵalymdarymyz tom-tom kitap jazyp, ǵylymi eńbekterin arnady. Árine, uly tulǵalarymyz jaiynda jazylyp, zerttelip, el nazaryna usynylyp jatsa esh artyq etpeitini anyq»-dedi aimaq basshysy.
