QR Parlamenti Májilisiniń depýtaty Saýytbek Abdrahmanov Memleket basshysynyń halyqqa Joldaýy týraly pikir bildirdi, dep habarlaidy QazAqparat.
«Óz Joldaýynda Memleket basshysynyń áleýmettik jańǵyrý, bilim berý sapasyn kóterý, innovatsiialyq tásilderdi qoldaný, sapaly meditsinalyq qyzmet qoljetimdiligi máselelerin kóterýi qýantady. Jastarǵa da erekshe kóńil bólinip otyr. Barlyq aitylǵan tapsyrmalardy júzege asyrý jastardyń azamattyq ustanymy men áleýmettik-saiasi belsendiligine bailanysty», - dedi Saýytbek Abdrahmanov Dostyq úiinde Memleket basshysynyń Joldaýyn talqylaý jónindegi dóńgelek ústelde.
Depýtat memlekettik tildiń mártebesin kóterýdiń mańyzdylyǵy jóninde áńgimeledi.
«Prezident memlekettik tildiń mártebesi, qazaq tiliniń ultaralyq qatynas tili retindegi rólin nyǵaitý máselesin kóterdi. Bul – birneshe jylǵa arnalǵan prespektivalyq mindet. Oǵan tez jetemiz dep úmittený – bekershilik. Bálkim, bizdegi biraz adam ony kórmeýi múmkin, biraq keleshek urpaq týraly oilaýymyz kerek. Biz osyǵan kele jatyrmyz», - dedi ol.
Sonymen birge, S. Abdrahmanov ál-Farabi men Abai mereitoilaryn ótkizýge memlekettiń úlken mán berip otyrǵanyn aitty.
«Prezident aitqan ál-Farabidiń 1150 jyldyǵy men Abaidyń 175 jyldyq mereitoiyn toilaý jóninde erekshe atap ótkim keledi. Men eki komissiianyń da múshesimin, bul mereitoilardy ótkizýge erekshe kóńil bólinip otyr. Jaqynda Memlekettik hatshy Marat Tájin komissiia otyrysyn ótkizip, úlken tapsyrmalar berdi», - dedi Saýytbek Abdrahmanov.
