Almatynyń ál-Farabi dańǵylynda saǵatyna 80 shaqyrym jyldamdyqpen júrýge ruqsat beretin belgiler paida boldy, dep habarlaidy QazAqparat.
Ózgerister ál-Farabi dańǵylynyń keibir ýchaskelerinde baiqalady. Jol qyzmetkerleri jyldamdyqty shekteý belgilerin 80 km/saǵ aýystyrýdy jalǵastyrýda.
Eske salaiyq, osy jyldyń 15 qańtarynan bastap qaladaǵy jol-kólik oqiǵalaryn azaitý, sondai-aq joldaǵy jaǵdaidy turaqtandyrý maqsatynda kólik jyldamdyǵy Shyǵys ainalma joly, ál-Farabi dańǵyly, Sain kóshesinde saǵatyna 80 shaqyrymnan, 60 shaqyrymǵa tómendetilgen bolatyn. Ol kezde shaharǵa Baýyrjan Baibek basshylyq etken edi.
Keiin qalanyń jańa ákimi Baqytjan Saǵyntaevtyń Instagram-paraqshasyna atalmysh jol ýchaskelerinde saǵatyna 80 shaqyrymmen júrýge qaita ruqsat berý týraly ótinishter túse bastady.
Nátijesinde, iaǵni 19 tamyz kúni ál-Farabi dańǵyly men Shyǵys ainalma jolynda saǵatyna 80 shaqyrymmen júrýge ruqsat berildi.
