الماتىنىڭ ەل-فارابي داڭعىلىندا ساعاتىنا 80 شاقىرىم جىلدامدىقپەن جٷرۋگە رۇقسات بەرەتٸن بەلگٸلەر پايدا بولدى, دەپ حابارلايدى قازاقپارات.
ٶزگەرٸستەر ەل-فارابي داڭعىلىنىڭ كەيبٸر ۋچاسكەلەرٸندە بايقالادى. جول قىزمەتكەرلەرٸ جىلدامدىقتى شەكتەۋ بەلگٸلەرٸن 80 كم/ساع اۋىستىرۋدى جالعاستىرۋدا.
ەسكە سالايىق, وسى جىلدىڭ 15 قاڭتارىنان باستاپ قالاداعى جول-كٶلٸك وقيعالارىن ازايتۋ, سونداي-اق جولداعى جاعدايدى تۇراقتاندىرۋ ماقساتىندا كٶلٸك جىلدامدىعى شىعىس اينالما جولى, ەل-فارابي داڭعىلى, ساين كٶشەسٸندە ساعاتىنا 80 شاقىرىمنان, 60 شاقىرىمعا تٶمەندەتٸلگەن بولاتىن. ول كەزدە شاھارعا باۋىرجان بايبەك باسشىلىق ەتكەن ەدٸ.
كەيٸن قالانىڭ جاڭا ەكٸمٸ باقىتجان ساعىنتاەۆتىڭ Instagram-پاراقشاسىنا اتالمىش جول ۋچاسكەلەرٸندە ساعاتىنا 80 شاقىرىممەن جٷرۋگە قايتا رۇقسات بەرۋ تۋرالى ٶتٸنٸشتەر تٷسە باستادى.
نەتيجەسٸندە, ياعني 19 تامىز كٷنٸ ەل-فارابي داڭعىلى مەن شىعىس اينالما جولىندا ساعاتىنا 80 شاقىرىممەن جٷرۋگە رۇقسات بەرٸلدٸ.
