Koronavirýs infektsiiasynyń (COVID-19) aldyn alý jáne eskertý maqsatynda ál-Farabi atyndaǵy QazUÝ ozyq sandyq bilim berý tehnologiialaryn qoldana otyryp tolyǵymen qashyqtyqtan bilim berý júiesine kóshti.
QazUÝ-dyń zertteý ýniversitetine ainalýynyń mańyzdy quramdas bóligi barlyq biznes-úderisterdi sandyq formatqa kóshirý boldy. Sońǵy jyldary ýniversitette «aqyldy» aqparattyq-kommýnikatsiialyq infraqurylym jáne smart-kampýs quryldy, bultty jáne mobildi tehnologiialar engizildi, al IT-qyzmetterdi damytý JOO-ny sapaly jańa sandyq deńgeige shyǵardy. Bul oqý úderisin qazirgi sabaq kestesi boiynsha qashyqtyqtan oqytý túrine jedel aýystyrýǵa múmkindik berdi.
Ýniversitettiń zamanaýi jáne damyǵan IT-infraqurylymy barlyq stýdentterdi qashyqtyqtan oqytýǵa qamtýǵa múmkindik beredi. Bul úshin «Ýniver 2.0», «Moodle» aqparatttyq-bilim berý platformalary paidalanylýda. «Ýniver 2.0» QazUÝ-dyń innovatsiialyq ázirlemesi bolyp tabylady. Baǵdarlamalyq keshen pánderdiń kýrstary men oqý-ádistemelik keshenderiniń bazasyn qalyptastyrý, jeke nemese toptyq dárister ótkizý, tapsyrmalar berý, stýdentterge olardyń oryndalýyn qadaǵalaý, kýrsty meńgerý dárejesin baǵalaý jáne basqa da múmkindikter beredi.
Sonymen qatar, bizdiń ýniversitettiń programmisteri «Ýniver 2.0» júiesiniń álemdegi eń tanymal «Moodle» qashyqtyqtan oqytý júiesimen biregei integratsiiasyn júzege asyrdy», – dep atap ótti oqý isi jónindegi prorektor Asqar Hikmetov. Prorektordyń aitýynsha, onlain-tyńdaýshylardyń úlken aǵynyn qoldaý úshin onyń aýqymyn jyldam keńeitip, oqytýshymen jeke aqpar almasý quraldaryn qoldaný, topta talqylaý, kez kelgen formattaǵy faildarmen almasý júieniń artyqshylyǵy bolyp tabylady.
«Qashyqtyqtan oqytýǵa kóshýge bailanysty qandai da bir qiyndyqtardy bastan keshirip otyrǵan joqpyz. Sondai-aq, burynǵy keste boiynsha, tek qashyqtyqtan oqýdamyz, júie bizge yńǵaily, oqytýdyń jańa formatyn meńgeretin bolamyz», – dedi 3 kýrs stýdenti Kamila Qojahmetova.
Stýdentter úilerinde barlyq stýdentterge joǵary jyldamdyqty internetke tegin qol jetkizý qamtamasyz etilgen.
Jaǵdaiattyq basqarý ortalyǵy qashyqtyqtan bilim berý úderisin baqylaý men monitoringti júzege asyrýda. Qashyqtyqtan oqytý múmkindikteri QazUÝ men «Microsoft» arasynda ornaǵan yntymaqtastyqtyqtyń jemisti nátijesi. Álemdik tanymal IT-kompaniiamen birlesken jumystyń jáne «Office 365» baǵdarlamalyq ónimin engizýdiń arqasynda stýdentter men oqytýshylar bilim alý úshin «Microsoft Teams» servisin paidalana alady.
Ál-Farabi atyndaǵy QazUÝ áleýmettik jaýapkershilik sheńberinde qashyqtyqtan oqytý tehnologiialaryn qoldana otyryp, oqytýdy júzege asyrý úshin resýrstary joq basqa oqý oryndaryna óz platformasyn usynýǵa daiyn.
