Aqyly bilim berý olimpiadalaryna oqýshylardyń qatysýyn mektep ákimshiligi májbúrlei almaidy. Bul týraly QR Bilim jáne ǵylym vitse-ministri Sholpan Karinova aitty, dep habarlaidy QazAqparat.
«Jalpy, olimpiadalarǵa qatysý – ol erikti tańdaý. Árbir ata-ana balasynyń aqyly jarystarǵa qatysýyn nemese qatyspaýyn ózi anyqtaýy tiis. Bul rette pedagogtardyń, mektep ákimshiliginiń, ádistemelik qyzmetterdiń osylardy uiymdastyrýǵa nemese olarǵa qatysýǵa májbúrleýge eshbir quqyǵym joq. Osy oraida Bilim jáne ǵylym ministrligi taǵy bir eskertý aitady, eger májbúrleý faktileri tirkelse, ministrliktiń óńirlik departamentteri sapany qamtamasyz etý qyzmetterin atqarady. Sondyqtan olarǵa osy máseleler boiynsha júginýge bolady», - dedi Sh. Karinova Ortalyq kommýnikatsiialar qyzmetinde.
Aqyly olimpiadaǵa oqýshylardyń qatysýyn mektep májbúrlei almaidy - ministrlikAita keteiik, Bilim jáne ǵylym ministrligi uiymdastyratyn olimpiadalar oqýshylar úshin aqysyz negizde bolady.
Sonymen qatar qazirgi kezde qazaqstandyq bilim berý naryǵynda jekemenshik kásiporyndar men uiymdar da osy qyzmetterdi aqyly usynyp keledi.
«Biraq Bilim jáne ǵylym ministrliginiń bul aqyly jarystarǵa eshqandai qatysy joq ekenin atap ótemin. Sondyqtan balalar men muǵalimder, mektepter ártúrli olimpiadalar men konkýrstarǵa oqýshylardyń qatysýyn tańdaǵan kezde muqiiat bolýyna keńes beremiz», - dedi Sholpan Karinova.
