Mádeniet jáne sport ministri Aqtoty Raiymqulova mádeniet salasyndaǵy onlain-jobalardy jalǵastyrýdy tapsyrdy, dep habarlaidy QazAqparat.
«Búkil álemge 2020 jyl synaq bolyp ádettegi ómir-salt pen qalypty jumysty ózgertti. Ministrlik kóptegen josparlardy qaita qarap, túzetip, jumystyń jańa nysandaryn engizip, karantin kezinde 120 millionnan astam qaralym jinaǵan kóptegen onlain-jobalardy iske qosty. Bul jumysty jalǵastyrý kerek», - dedi Aqtoty Raiymqulova Mádeniet jáne sport ministrliginiń alqa májilisinde.
Onyń aitýynsha jalpy 2020 jyl nátijeli bolyp, oń jetistikterge qol jetkizilgen.
«2020 jylǵy negizgi sharalardyń tiziminde Memleket basshysynyń tapsyrmasy boiynsha áleýmettik qoldaý sharalary qabyldandy. Bul jalaqyny arttyrý, arnaiy ai saiynǵy aqshalai tólemder, qosymsha júkteme úshin qosymsha aqylar belgileý, shyǵarma avtorlaryna qalamaqy tóleý, qyzmetkerlerdiń turǵyn úi jaǵdailaryn jaqsartý jáne taǵy basqa sharalar. Memleket pandemiia kezeńinde memlekettik mádeniet, arhiv jáne sport uiymdaryn, mádeniet, óner jáne sport salasyndaǵy bilim berý mekemelerin tolyq kólemde qarjylandyrýdy toqtatpaǵanyn erekshe atap ótkim keledi», - dedi ol.
