Bishkekte Aqtoty Raiymqulova Qyrǵyz Respýblikasynyń Mədeniet, aqparat, sport jəne jastar saiasaty ministri Qairat Imanalievpen kezdesti. Bul týraly "Ult aqparat" ministrliktiń baspasóz qyzmetine silteme jasap habarlaidy.
Búgin A.Osmonov atyndaǵy Qyrǵyz Ulttyq kitaphanasynda Qazaqstan Respýblikasynyń Mádeniet jáne sport ministri Aqtoty Raiymqulova Qyrǵyz Respýblikasynyń Mədeniet, aqparat, sport jəne jastar saiasaty ministri Qairat Imanalievpen kezdesti.
Onda baýyrlas eki memleket mádeni-gýmanitarlyq, sport baǵyty boiynsha kelissózder júrgizdi. Basqosýǵa Qazaqstannyń Qyrǵyz Respýblikasyndaǵy Elshisi Qairat Nurpeiisov, Qyrǵyz Respýblikasy Joǵarǵy Keńesiniń depýtaty Gúlshat Asylbaeva, Qazaqstandaǵy manasshy Baianǵali Álimjanov jáne eki memlekettiń mádeniet salasynyń basshylary men belgili ókilderi qatysty.
Kezdesý barysynda Qairat Imanaliev eki memleket arasyndaǵy mádeni bailanysty nyǵaitý men damytý turǵysynda birlesip is-sharalar ótkizýge daiyn ekendigin, áriptestik qyzmettiń barlyq deńgeiinde qarym-qatynas qyzý qoldaý tabatynyn jetkizip, qonaqtarǵa shyǵarmashylyq tabys tiledi.
Al QR Mádeniet jáne sport ministri Aqtoty Raiymqulova mádeniet jáne sport salasy boiynsha birlesip qyzmet atqarýǵa daiyn ekendigin, jáne is-sharalardy iske asyrýǵa qyzyǵýshylyq tanytyp otyrǵanyn naqtylap, alǵys bildirdi.
Alqaly jiynda kino túsirý, teatr gostrolderin, mádeni forýmdardy uiymdastyrý, Qazaqstannyń Qyrǵyzstandaǵy, Qyrzǵyzstannyń Qazaqstandaǵy Mádeniet kúnderin, «Sarmerden» jiynyn ótkizý jáne de basqa máseleler qarastyryldy.
Esterińizge sala keteiik, Qyrǵyz Respýblikasy Prezidentiniń Qazaqstanǵa jasaǵan resmi memlekettik sapary aiasynda Qazaqstan Respýblikasy Mádeniet jáne sport ministrligi men Qyrǵyz Respýblikasy Úkimetiniń janyndaǵy Jastar isi, dene shynyqtyrý jáne sport jónindegi memlekettik agenttigi Nur-Sultan qalasynda ulttyq sport túrleri men halyq oiyndaryn damytý týraly vedomstvoaralyq kelisimge qol qoiyp, birqatar mádeni is-sharalardy birlese ótkizýdi maquldaǵan bolatyn.
