Eki saǵat ishinde Aqtoǵai aýdanynyń turǵyndary 2,5 million teńge jinady. Bul qarajat ottegi kontsentratoryn, pýlsoksimetrlerdi jáne dári-dármekterdi satyp alýǵa jumsalady. Olarǵa Jańaarqa jáne Qarqaraly aýdandaryndaǵy igi shara úlgi boldy, dep habarlaidy "Ult aqparat".
«Jańaarqa aýdanynyń týmasy bloger Aisultan Jaqypovtyń bastamasymen, elimizdiń ár túrli qalalarynda turyp jatqan osy aýdannan shyqqan azamattar 10-nan astam Ókpeni jasandy jeldetý apparatyn satyp aldy. Kómekke barlyǵy jumyla kiristi: qarapaiym adamdar da, ártister de, metsenattar da... Kelesi kezekte qarqaralylyqtar erekshelendi, munda aýdan turǵyndaryn aqyn Janat Janqash biriktirdi. Olar birlesip segiz apparat satyp alyp, aýdandyq aýrýhanaǵa jiberdi. Osy eki aýdan turǵyndarynyń igi bastamasyna tánti bolyp, men óz jerlesterim aqtoǵailyqtarǵa úndeý tastadym. Jáne bastamamdy jýrnalist Qambar Ahmetov qoldady. Biz birlesip Qazaqstannyń ár aimaqtarynda turyp jatqan jerlesterimizdi jumyldyrdyq», - deidi jýrnalist Lázzat Qojahmetova.
Qarajat jinaý týraly habar taratylǵan soń tek alǵashqy 20 minýt ishinde aqtoǵaidyqtar ottegi kontsentratoryn satyp alýǵa 200 myń teńge aýdardy. Al kelesi eki saǵatta 2,5 million teńge jinaldy. Eshkim de shette qalǵan joq. Mysaly, metsenat, oblystyq QHA Qoǵamdyq kelisim keńesiniń tóraǵasy Bekzat Altynbekov jabdyqtyń bir birligine qarjy bóldi, astanalyq jáne Balqash biznesmenderi tiisinshe eki jáne úsh apparatqa aqsha aýdardy. Sonymen qatar, «Altyn Almas» AQ, Qazaqstan Respýblikasy Parlamenti Májilisiniń depýtaty Nurlan Dýlatbekov, jeke kásipkerler Serik Qasymbekov, Erlan jáne Erjan Nurtazinder, Azamat Tórebekov, Marat Kókeev, Bekbolat Qojabaev jáne Aqtoǵai, Qyzylarai, Shabanbai bi jáne Qusaq aýyldyq okrýginiń turǵyndary kómektesti.
Sondai-aq, Aqtoǵai aýdanynyń ortalyq aýrýhanasy men meditsinalyq ortalyǵy úshin eriktiler men kásiporyndardyń, fermerlik sharýashylyqtardyń jáne jeke tulǵalardyń qoldaýymen 20 termometr, 37 ottegi kontsentratory, 52 pýlsoksimetr jáne 15 Bobrov quraly tapsyrys berildi.
