Aqtóbe oblysy «jasyl» aimaqta bolǵanymen, sońǵy ýaqytta virýs juqtyrǵandar sany artty. Oblystyń bas memlekettik sanitariialyq dárigeri Naýryz merekesin qoǵamdyq oryndarda emes, otbasynda atap ótýdi usyndy, dep habarlaidy "Ult aqparat".
Keshe óńirde 26 adamnan koronavirýs infektsiiasy anyqtaldy. Aqtóbe qalasy men Oiyl, Hromtaý aýdandarynyń turǵyndary derttiń simptomdy túrine shaldyqqan. Aýrýshańdyqtyń ósý deńgeii 0,6% qurady. Jalpy oblysta búginge deiin 4614 jaǵdai tirkelip, onyń 92 paiyzdan astamy jazylǵan. Qazirgi kezde 600 adam úi karantininde jatyr. Bári de dárigerler baqylaýynda bolady.
«Kún saiyn koronavirýs infektsiiasyn juqtyrǵan adam sany arta bastady. Halyqtyń sanitariialyq saýattylyǵyn arttyrý etý maqsatynda túsindirý jumysy jandandy. Konferentsiia, kórme uiymdastyryp, saltanatty sharalardy ótkizýge bolmaidy. Naýryz mekemesinde de halyqtyq sharalardy ótkizýge shekteý qoiyldy. Merekeni tek otbasynda atap ótken jón», - dedi oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Qazirgi kezde óńirde 87 naýqas infektsiialyq statsionarlarda em qabyldap jatyr. Onyń 81-i qalada. Naýqastardyń jeteýi jansaqtaý bóliminde.
«Karantindik statsionarlarda 14 adam jatyr. Aqtóbe qalasynda 6, Mártókte 4, Qarǵalyda 4 adam baqylaýda bolady», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
