Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva turǵyndardy saq bolýǵa shaqyrdy, dep habarlaidy "Ult aqparat".
Aqtóbe oblysy 22-naýryz kúni «sary» aimaqqa kirdi. Ótken táýlikte taǵy 62 adam koronavirýs juqtyrǵan. Kóbi Aqtóbe qalasynyń turǵyny. Sonymen birge Mártók, Oiyl aýdandarynda da derttiń simptomdy túrine shaldyqqandar anyqtaldy.
«Qazirgi tańda úi karantininde 941 adam jatyr. Olarǵa meditsinalyq baqylaý júrgizilýde. Qaýip seiilgen joq. Sondyqtan barshańyzdy betperde taǵýǵa, qoldy jii jýyp, antiseptikterdi paidalanýǵa, áleýmettik qashyqtyqty saqtaýǵa shaqyramyn. Túrli merekelik is-sharalardy, toilar men otbasylyq is-sharalardy ótkizýge tyiym salynǵanyn taǵy da eske salamyz!. Sonymen qatar, jergilikti atqarýshy organ janynan uiymdastyrylǵan mobildi toptar tarapynan kásipkerlik obektilerinde karantin talaptaryn saqtaý boiynsha monitoring kúsheitilgenin eske salamyz! Betperde tártibin, áleýmettik qashyqtyqty jáne karantin talaptaryn qatań saqtańyzdar! Qorǵanys quraldary infektsiianyń taralýyn azaitýǵa kómektesetinin túsingen abzal. Ózińizdi jáne jaqyndaryńyzdy saqtańyzdar!», -dedi Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Jalpy oblysta 5020 jaǵdai tirkeldi. Onyń 89,4% jazylyp shyqty.
