Aqtóbede WhatsApp jelisi arqyly «apelsinnen ýlandy» degen aqparat tarap ketti. Oblystyq densaýlyq saqtaý basqarmasynyń basshysy Rústem Isaev aqparatqa qatysty túsinik berdi, dep habarlaidy "Ult aqparat".
Áleýmettik jeli arqyly beitanys adamnyń: «Mandarin, apelsin jemeńder. Aqtóbede mandarin, apelsinnen balalar ólip jatyr» degeni jazylǵan habar keldi.
«Balalardyń aýyz qýysy ýylyp, jara bolyp, infektsiialyq aýrýhananyń ishi naýqasqa toldy» degen habarlama kópshilikke tarap ketti. Bul habarlamadaǵy aqparatty oblystyq densaýlyq saqtaý basqarmasynyń basshysy Rústem Isaev joqqa shyǵardy.
«Balalardy emdeitin eki aýrýhanaǵa habarlasyp, jaǵdaidy bildim. Jappai ýlanyp, em izdep kelgen bala joq. Bul jalǵan aqparat», - dedi Isaev.
