Aqtóbede «G-Strong Power Fest» festivali ótti. Alyp kúsh ieleri baq synaǵan festival kezinde 9 jastaǵy Mýsa Týrkýmbaev keýdeni jerden kóterip ustap turýdan álem rekordyn jańartty, dep habarlaidy "Ult aqparat".
Mýsa Týrkýmbaev 7 jasynan bastap el nazarynda júr. Ol týrnikke tartylýdan, keýdeni jerden kóterýden aldyna jan salmaidy.
Ótken jyly Qazaqstan rekordyn jańartty.
«2016 jyly Astana qalasynda 9 jastaǵy Amir Mahmet keýdeni jerden kóterip turýdan álem rekordyn jańartqan bolatyn. Ol 1 saǵat 2 sekýnd shydady. Bul joly Aqtóbede ótken festival kezinde Mýsa Týrkýmbaevnyń kórsetkishi 1 saǵat 13 minýt 2 sekýnd bolyp tirkeldi. Kishkentai Mýsa jyl saiyn osy festivalge qatysyp, rekord jańartýdy ádetke ainaldyrǵan. Biz únemi ony qoldap, aiaq alysyn baqylap otyramyz. Qazir dziýdomen ainalysyp júr. Sportshy - Aqtóbeniń maqtanyshy, dáýleti», - dedi qalalyq sport bóliminiń basshysy Evgenii Goncharov.
