اقتٶبەدە «G-Strong Power Fest» فەستيۆالٸ ٶتتٸ. الىپ كٷش يەلەرٸ باق سىناعان فەستيۆال كەزٸندە 9 جاستاعى مۋسا تۋركۋمباەۆ كەۋدەنٸ جەردەن كٶتەرٸپ ۇستاپ تۇرۋدان ەلەم رەكوردىن جاڭارتتى, دەپ حابارلايدى "ۇلت اقپارات".
مۋسا تۋركۋمباەۆ 7 جاسىنان باستاپ ەل نازارىندا جٷر. ول تۋرنيككە تارتىلۋدان, كەۋدەنٸ جەردەن كٶتەرۋدەن الدىنا جان سالمايدى.
ٶتكەن جىلى قازاقستان رەكوردىن جاڭارتتى.
«2016 جىلى استانا قالاسىندا 9 جاستاعى امير ماحمەت كەۋدەنٸ جەردەن كٶتەرٸپ تۇرۋدان ەلەم رەكوردىن جاڭارتقان بولاتىن. ول 1 ساعات 2 سەكۋند شىدادى. بۇل جولى اقتٶبەدە ٶتكەن فەستيۆال كەزٸندە مۋسا تۋركۋمباەۆنىڭ كٶرسەتكٸشٸ 1 ساعات 13 مينۋت 2 سەكۋند بولىپ تٸركەلدٸ. كٸشكەنتاي مۋسا جىل سايىن وسى فەستيۆالگە قاتىسىپ, رەكورد جاڭارتۋدى ەدەتكە اينالدىرعان. بٸز ٷنەمٸ ونى قولداپ, اياق الىسىن باقىلاپ وتىرامىز. قازٸر دزيۋدومەن اينالىسىپ جٷر. سپورتشى - اقتٶبەنٸڭ ماقتانىشى, دەۋلەتٸ», - دەدٸ قالالىق سپورت بٶلٸمٸنٸڭ باسشىسى ەۆگەنيي گونچاروۆ.
