6 naýryzda Aqtóbe oblystyq ákimdigine barǵan onnan astam ana baspana máselesin sheshýdi talap etti, dep habarlaidy Azattyq.
Jergilikti bilik ókilderimen buǵan deiin de birneshe ret jolyqqanymen esh nátije bolmaǵanyna narazy olar oblys ákimi Ońdasyn Orazalinmen kezdesýdi talap etti. Jalǵyzilikti, kóp balaly jáne múgedek balasy bar analardy oblys ákiminiń orynbasary Marat Toqjanov qabyldady.
Páter kezegi jyldar boiy jyljymaitynyna shaǵymdanǵan turǵyndar bilikten muqtaj otbasylardy baspanamen qamtamasyz etýdiń ózge jolyn tabýdy talap etti. Jalǵyzilikti ana Gaýhar Ábdirazaqova jeke baspanasy men jumysy joǵyn, otbasy múgedek balasyna tólenetin járdemaqyǵa jan baǵyp otyrǵanyn aitady. Qalada tirkeýi bolmaǵandyqtan jyldar boiy páter kezegine de ilikpegen. Bir ai buryn ákimdikke shaǵymmen kelgennen keiin ǵana páter kezegine turǵan.
Ábdirazaqovanyń Azattyqqa aitýynsha, sársenbide narazy analardy qabyldaǵan oblys ákiminiń orynbasary Toqjanov olardy sabyrǵa shaqyrýmen shektelgen.
Aqtóbe qalalyq turǵyn úi qory bóliminiń basshysy Janargúl Dúisekenovanyń aitýynsha, qalada 1162 kóp balaly otbasy páter kezeginde tur. 2019 jyldyń alǵashqy eki aiynda memleket qorynan eshkimge tegin baspana berilmegen. Al 2018 jyly kóp balaly 10 otbasy memleketten tegin páter alǵan.
