6 ناۋرىزدا اقتٶبە وبلىستىق ەكٸمدٸگٸنە بارعان وننان استام انا باسپانا مەسەلەسٸن شەشۋدٸ تالاپ ەتتٸ, دەپ حابارلايدى ازاتتىق.
جەرگٸلٸكتٸ بيلٸك ٶكٸلدەرٸمەن بۇعان دەيٸن دە بٸرنەشە رەت جولىققانىمەن ەش نەتيجە بولماعانىنا نارازى ولار وبلىس ەكٸمٸ وڭداسىن ورازالينمەن كەزدەسۋدٸ تالاپ ەتتٸ. جالعىزٸلٸكتٸ, كٶپ بالالى جەنە مٷگەدەك بالاسى بار انالاردى وبلىس ەكٸمٸنٸڭ ورىنباسارى مارات توقجانوۆ قابىلدادى.
پەتەر كەزەگٸ جىلدار بويى جىلجىمايتىنىنا شاعىمدانعان تۇرعىندار بيلٸكتەن مۇقتاج وتباسىلاردى باسپانامەن قامتاماسىز ەتۋدٸڭ ٶزگە جولىن تابۋدى تالاپ ەتتٸ. جالعىزٸلٸكتٸ انا گاۋحار ەبدٸرازاقوۆا جەكە باسپاناسى مەن جۇمىسى جوعىن, وتباسى مٷگەدەك بالاسىنا تٶلەنەتٸن جەردەماقىعا جان باعىپ وتىرعانىن ايتادى. قالادا تٸركەۋٸ بولماعاندىقتان جىلدار بويى پەتەر كەزەگٸنە دە ٸلٸكپەگەن. بٸر اي بۇرىن ەكٸمدٸككە شاعىممەن كەلگەننەن كەيٸن عانا پەتەر كەزەگٸنە تۇرعان.
ەبدٸرازاقوۆانىڭ ازاتتىققا ايتۋىنشا, سەرسەنبٸدە نارازى انالاردى قابىلداعان وبلىس ەكٸمٸنٸڭ ورىنباسارى توقجانوۆ ولاردى سابىرعا شاقىرۋمەن شەكتەلگەن.
اقتٶبە قالالىق تۇرعىن ٷي قورى بٶلٸمٸنٸڭ باسشىسى جانارگٷل دٷيسەكەنوۆانىڭ ايتۋىنشا, قالادا 1162 كٶپ بالالى وتباسى پەتەر كەزەگٸندە تۇر. 2019 جىلدىڭ العاشقى ەكٸ ايىندا مەملەكەت قورىنان ەشكٸمگە تەگٸن باسپانا بەرٸلمەگەن. ال 2018 جىلى كٶپ بالالى 10 وتباسى مەملەكەتتەن تەگٸن پەتەر العان.
