Aqtóbedegi qaiǵyly oqiǵaǵa bir jyl tolýyna orai ǵalamtorda terrorlyq akti saldarynan zardap shekkenderdi eske alýǵa arnalǵan video paida boldy, dep habarlaidy "Ult aqparat".
Ekstremister qolynan qaza tapqan adamdar jaily estelikter sol kúnderden qalǵan videojylnamalar arqyly beriledi.
Atalǵan rolikti QR Aqparat jáne kommýnikatsiialar ministrliginiń tapsyrysymen «KTK» telearnasynyń túsirý toby jáne «Kazkontent» AQ birlesip ázirlegen.
Eske sala ketsek, 2016 jyly 5 maýsymda radikaldy aǵymdardyń bir top múshesi Aqtóbedegi eki birdei qarý-jaraq dúkenin tonap, áskeri bólimshege shabýyl jasaǵan bolatyn. Shabýyl kezinde jeti adam qaza taýyp, 30 adam jaraqat aldy. Antiterrorlyq operatsiia kezinde 13 qylmyskerdiń kózi joiylyp, toǵyzy ustaldy.
Aqtóbedegi terrorlyq akti kezinde qaza tapqan áskeriler men turǵyndar:
«Pallada» qarý dúkeniniń satýshysy Andrei Vladimirovich Maksimenko, 1978 jylǵy,
zeinetker Nikolai Alekseevich Onishenko, 1947 jylǵy, «Pallada» dúkeniniń qasynan ótip bara jatqan,
«Kúzet» qyzmetkeri Merhan Esenbaiuly Tájibaev, 1983 jylǵy,
Mihail Vitalevich Matrosov, 1981 jylǵy, «Pantera» dúkenine kelýshi.
Áskeri qyzmetker Dosbol Erkinbekuly Sapar, 1997 jylǵy, OQO-dan,
áskeri qyzmetker Daniel Aqarysuly Mailybaev, 1975 jylǵy, Almatydan,
áskeri qyzmetker Berik Erlanuly Qaliev - Oraldan, 1978 jylǵy.
