Aqtóbede gaz ballony jazylyp, eki adam kúiik jaraqatymen aýrýhanaǵa túsken bolatyn. Onyń bireýi oblys ortalyǵyna jetkizildi, dep habarlaidy "Ult aqparat".
Buǵan deiin habarlaǵanymyzdai, 24 aqpan kúni saǵat 23:51-de Aqtóbe oblysy TJD kezekshi-dispetcherlik qyzmetine Muǵaljar aýyly, Zaýyt kóshesindegi úide gaz ballony jarylyp, artynan órt shyqqany týraly habarlama tústi.
Muǵaljar aýylynyń órt sóndirý bólimi, politsiia jáne jedel járdem brigadasynan 13 adam jáne 4 tehnika oqiǵa ornyna dereý jetti. Jarylys saldarynan úidiń qabyrǵalary qulaǵan. Oqiǵa kezinde 2010 jyly týǵan bala qaitys boldy. 1968 jyly týǵan úi iesi men 1998 jylǵy azamat ártúrli dárejedegi kúiik alyp, jedel túrde aýdandyq aýrýhanaǵa jatqyzyldy.
Kóp uzamai jas jigitti oblystyq jedel járdem aýrýhanasyna alyp ketti.
«Uly oblystyq jedel járdem aýrýhanasynyń travmatologiia bóligine jetkizildi. Al ákesi ázirge Embi qalasyndaǵy aýrýhanada. Aýa raiy qalypqa tússe, sanaviatsiiamen ákelemiz. Jaǵdaiy turaqty aýyr», - dedi oblystyq densaýlyq saqtaý basqarmasynyń basshysy Rústem Isaev.
Aita keteiik, úi iesiniń denesi 65-70, al balasynyń denesi 20 % kúiik shalǵan.
