Aqtóbede jeńil jáne júk kóligi soqtyǵysty. Saldarynan erli-zaiypty men úsh balasy aýrýhanaǵa tústi, dep habarlaidy QazAqparat.
Oqiǵa Samara-Shymkent tasjolynyń Yrǵyz aýdany, Qumtoǵai aýyly mańynda boldy.
«Mersedes AMG» avtokóliginiń 55 jastaǵy júrgizýshisi qarsy qozǵalysqa arnalǵan jolaqqa shyǵyp, «DAF» júk kóligimen soqtyǵysqan.
«Saldarynan «Mersedes AMG» avtokóliginiń júrgizýshisi, áieli men kámeletke tolmaǵan úsh balasy (2020, 2014, 2012 jyly týǵan) túrli jaraqatpen meditsinalyq mekemege jatqyzyldy. Jol-kólik oqiǵasy boiynsha QR QK 345-baby 2-bóligi boiynsha sotqa deiingi tergeý bastaldy. Politsiia departamenti sharshaǵan júrgizýshi joldaǵy qaýiptiń kózi ekenin eske salady», - dedi oblystyq PD baspasóz qyzmetiniń jetekshisi Erbolat Sarqulov.
